ینی ایلینیز اوغورلو اولسون


May 31, 2015

هر شئی سنده گیزلین

ترکیه شاعری: جان یوجل- چئویرن: بهرام حسینی
 
جان یوجل ۱۹۲۶ ایلینده استانبول دا دنیایه گلدی. سونرا لار آنکارا و کمبریج یونیورسته سینده لاتین و یونان دیلی اوخودی. ۱۹۶۰ ایلیندن بیرشاعر اولاراق استانبولدا یاشایب یازدی. او عمرونون سون ایللرین ترکیه نین داچتا جزیره سینده یاشادی و ۱۹۹۹ دا او جزیره ده دنیادان گئدی.
یئرین سنی چکدیغی قدر آغیرسان
قانات لارین چیرپیندیغی قدر یونگول…
قلبینین وردوغی قدر جانلیسان
گوزلرین اوزاقی گوردوغی قدر گنج…
سئودیکلرین قدر یاخچی سان
نفرت ائتیکلرین قدر پیس…

نه رنگ اولورسا اولسون، قاشین گوزون
قارشینداکینین گوردوغودور رنگین…
یاشادیغلارینی قازانج سایما:
یاشادیغین قدر یاخینسان سونونا؛
نه قدر یاشارسان یاشا،
سئودیگین قدردیر عمورون…
گوله بیلدیغین قدر خوشبخت سن
کئدرلنمه بیل کی آغلادیغین قدر گوله جکسن
اصلا قورتولدی سانما هرشئی،
سئودیگین قدر سئویله جک سن.
گونشین دوغوشوندادیر طبیعتین سنه وردیگی دگر
و قارشینداکینا دگر وردیگین قدر انسان سان.
بیر گون یالان سویله یجک سن اگر
قوی قارشینداکی سنه اعتماد ائدیگی قدر اینانسین.
آی ایشیقیندا دیر سئوگیلی یه یئتیشن حسرت
و سئوگیلینه حسرت قالدیغین قدر اونا یاخینسان
یاددان چیخارتما یاغیشین یاغدیغی قدر ایسلاقسان
گونشین سنی قیزدیردیغی قدر ایستی.
اوزووی یالنیز حس ائتدیغین قدر یالنیزسان
و گوجلو حس ائدیغین قدر گوجلو.
اوزووی گوزل حس ائتدیگین قدر گوزل سن..
بو دیر یاشام!
بودور یاشاماق، بونی یاداسالدیقین قدر یاشارسان
بونی اونوددوغوندا آلدیقین هر نفس قدر اوشورسن
و قارشینداکینی اونوتدوغون قدر تز اونوتولورسان
چیچک سولاندیقی قدر گوزلدیر
قوشلار اوخودیقی قدر سئومه لی
کورپه آغلادیقی قدر کورپه دیر
و هر شئیی اورگندیقین قدر بیلیرسن، بونی دا اورگن،
سئودیگین قدر سئویلیرسن .

No comments:

Post a Comment