ینی ایلینیز اوغورلو اولسون


Oct 3, 2014

هله بیلمیرم

ائلدار موغانلی
نه‌دن دوشدوم بو سئودایا،
وورولدوم بئله، بیلمیرم!
ایلک باهارین قارانقوشو-
گلرمی دیله؟، بیلمیرم!

بو غریبه ایستک نه‌دیر،
گاه یاندیریر،گاه گؤینه‌دیر؛
باش آلیبدی هارا گئدیر؟-
گؤرورم؛ بیله بیلمیرم!
یاش آرتیر یاشیم اوستونه؛
قینانیرام: بو نه، او نه؟
کؤلگه‌دیر باشیم اوستونه،
قانشارا گله بیلمیرم.
گؤیلرینده قوش اولموشام،
بوسبوتون اوچوش اولموشام،
سئوداسینا توش اولموشام؛
کؤنولدن سیله بیلمیرم.
ایکی باشلی بیر اوره‌یم،
آلما ناخیشلی دیله‌یم؛
هاردا قورتاراجاق بو دم؟-
سوروشما! هله بیلمیرم
.
شهریور ۱۳۹۳- تهران
ishiq.net

No comments:

Post a Comment