ینی ایلینیز اوغورلو اولسون


Jan 1, 2014

قیش

حبیب فرشباف آقایی

گیزله دیبدیر گونشی

قارا بولود لای -  بالای

شاختاسیندان هاوانین
دوندو بولاق، دوندو چای
گؤیدن یاغان پامبیقلار
آغاردیبدیر باشیمی

قارلی ساچیم، ساققالیم
چوخ گؤستریر یاشیمی

آغ پالتاریم گؤرنده
هامی دئییر -  قیش -  منه

اوشوینده ال لری
ائدیرلر قارقیش منی

یون پالتارلار گئییرلر
ائولرده ده پؤش یانیر

آنجاق لوت دور آغاجلار
قاریاغدیقجا، ایسلانیر

قار دا دوندو شاختادان
یئنه ده یاغ، تزه قار

مئشه لری، داغلاری
آغ اؤرتوکله بزه قار

قوی اوشاقلار سئوینجک
قار آدامی دوزتسین

قار گولل ه سی اویناسین
زوی گئدیب، شادلیق ائتسین

دی، بهمن، اسفند منم
قارلی قیشام، قارلی قیش

ایلین قوجا فصلی یم
ساچ - ساققالیم آغارمیش.


حبیب فرشباف آقایی:  "اوشاق نغمه لری" شعر مجموعه سیندن
تهران 1391
 



No comments:

Post a Comment