Aug 29, 2013

ایکی شعر

احد واحدی

‏25 ایل او دهشتلی فاجعه‌دن سووشسادا، هئچ ده یارالاریمیز بیتمه‌ییبدیر. هله ده ‏یارالاریمیز تازادیر و اونلاردان قان آخیر. نه او دهشتی اونوتماق اولار، نه او محتشم ‏قوربانلاری و نه او جنایتی تؤره‌دن قارا اللری! بو ایکی شعر ائله 1367نجی ایلین بو ‏دهشتلی فاجعه‌سی مناسبتینه یازیلمیشدیر.‏

ƏHƏD VAHİDİ
İKİ ŞEİR


‏«روایت»‏

ـ«گئجه ایدی‎...‎
        هر طرفی،
            ‎ ‎بوروموشدو،
‎                     ‎قارانلیق؛
آی باتمیشدی، ‏
                    ‎ ‎بیرآنلیق‎.‎
سایریشمیردی
                اولدوزدا‎...‎
یورغون ــ آرغین
                هامیمیز،
‎ ‎باش یاستیغا قویموشدوق‎...‎
‎... ‎باغچامیزا،
        گیزلیجه،
            ‎ ‎قارا بیر اَل اوزاندی،
و قوپاردی بیر دسته‎ ‎
        قیزیل گولی،
                    کؤٍکوندن؛
یئنی آچان غنچه‌لر‎ ‎
        یومولماغا باشلادی‎.‎
من گیزلندیم،
                آستاجا،
        بو چنارین دالیندا‎.‎
هامی قالخدی هراسان،
بو اولایی،
        ائشیتجک،
‎      ‎شیون سسی اوجالدی‎.‎
آه‎ ...‎
        نه جوره سوٍیله‌ییم!؟
احوالیمیز نئـجَه‌یدی؟؟
یالنیز ،
        دئیه بیله‌رم‎:‎
        چوخ دهشتلی گئجَه‌یدی‎!!‎‏»‏

ـــ منه،
        ‏ بئله سویله‌دی
سحر ئئرکن،
                    باغچادا،
        بیر چنارین‎ ‎
                    باشیندا،
        قارا کوینک،
                    ساریمتیل،
        گوٍزو یاشلی بیر بولبول‎!!!‎
                            ‎ ‎پاییز ‏1373‏‎ ‎


«خبر»‏

اونلاردان خبر گلدی‎!‎
                    بئش ـ بئش،
                                اون ـ اون، ‏
                                         گوللَـه‌لنَدیلر؛

اونلاردان خبر گلدی‎!‎
        حیات عشقی،
                ‎ ‎ دوٍیونَه‌رک
                            قانلاریندا،
                    ‎             ‎ ‎ ‎قانلارینا بَلَندیلر؛

اونلاردان خبر گلدی‎!‎
        ‎ ‎چنارتک دایاندیلار
‎                     ‎یارپاق‌تک،
                            ‎ ‎ ‎ ‎اَلَندیلر!‏
                                    پاییز 1377‏

1 comment:

Anonymous said...

Yaşa Əhəd ağa, əllərə sağlıq!
Qaraçay